НҰР-СҰЛТАН. ҚазАқпарат - Қазақстандық жартылай қорғаушы Владислав Васильев биыл қостанайлық «Тобыл» футбол клубының намысын қорғайды, деп хабарлайды ҚазАқпарат тілшісі.
Бұл жөнінде клубтың баспасөз қызметі мәлім етті .
В.Васильев 1997 жылы Қарағанды қаласында дүниеге келген. Үлкен футболға қадамын қарағандылық «Шахтер» командасында бастап, 2015-2017 жылдарда 23 ойын өткізді.
Одан кейін Беларусьтің «Энергетика-БГУ», «Рух» командаларының жейдесін киді.
Қазақстан құрамасының жартылай қорғаушысы 2021 жылдың шілде айынан бері Өзбекстанның «Әндіжан» командасында ойын көрсетіп, 8 кездесуде бір гол соқты.
В.Васильев 2020 жылдан бері Қазақстан ұлттық құрамасы сапында бірнеше ойынға қатысты.
Еске сала кетейік, бұдан бұрын футболдан жастар құрамасы Армениямен жолдастық кездесу өткізетіні хабарланған.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.