ПАРИЖ. KAZINFORM — Франция астанасы Париж қаласында өтіп жатқан Олимпиада ойындарында академиялық ескек есуден ұлттық құрама спортшысы Владислав Яковлев соңғы жарысында мәреге бірінші жетті.
Нақтырақ айтсақ, ол Е тобының финалында 6:59.43 секунд көрсеткішімен мәреге бірінші жетті.
Осылайша, Владислав Париждегі ойындарды жалпы есепте 25-орынмен аяқтады.
Айта кетейік, Яковлев үшін бұл — төртінші Олимпиада.
Лондонда 28-орын, Рио-де-Жанейрода 31-орын, Токиода 19-орын алған болатын.
Естеріңізге сала кетсек, Франция астанасы Париж қаласында өтіп жатқан XXXIII жазғы Олимпиада ойындары 11 тамызда мәресіне жетеді.
Ойындарға әлемнің 205 елінен 10 500 спортшы қатысып жатыр.
Олимпиадашыларымыз 32 спорт түрінен 329 медаль жиынтығы сарапқа салуда.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.