Осы екі темір жол жобаларының маңызы жайындағы сұрақтарға жауап бере отырып, көлік ведомствосының басшысы Қорғас - Жетіген темір жолын салу Еуропа мен Азия бағытындағы жүк тасымалы арақашықтығын 500 километрге қысқартумен бірге Қытайға екінші өту пунктін ашатындығын атап өтті. Өзен - Түркіменстанның мемлекеттік шекарасы желісі «Солтүстік - Оңтүстік» халықаралық көлік дәлізінің балама маршруты болумен қатар жол қатынасын 600 километрге қысқартатын болады. Бұдан тыс, транзиттің көлемі жыл сайын 2 млн. тоннаға артып отыратын болады деп күтілуде.
Онлайн-конференция барысында bnews.kz порталын пайдаланушылардан 20-ға жуық сұрақ түсті. Олар аталған жобалар ғана емес көлік-коммуникация кешенінің басқа салаларына да қатысты сұрақтар болды. Айталық, олар «Батыс Еуропа - Батыс Қытай» жобасының іске асырылу барысы, Астана - Қарағанды автомобиль жолының қайта салыну мерзімі, ауыл шаруашылығына арналған жеңіл моторлы ұшақтарды шығаратын авиазауыттың құрылысының барысы, сонымен бірге алдағы Азиада ойындарын көлікпен қамтамасыз ету мәселелеріне қызығушылық танытты.
Онлайн-конференцияның толық видео-нұсқасы bnews.kz порталында орналастырылған.