АСТАНА. KAZINFORM – Өскемен қаласында волейболдан әйелдердің ұлттық лига командалары арасында Қазақстан чемпионатында қола жүлдегер анықталды.
Үшінші орын бәсекеде «Қуаныш» (СҚО) пен «Тұран» (Түркістан) екінші кездесуін өткізді.
Кеше Азамат Есімов жаттықтыратын солтүстікқазақстандықтар 3:1 есебімен жеңіске жеткен еді. Бүгін «Қуаныш» айқын басымдылық көрсетті деуге болады – 3:0 (25:13, 25:18, 25:18).
Осылайша, «Қуаныш» өткен жылғы жетістігін қайталады. Ал 2024 жылы ел чемпионы атанған «Тұран» (бас бапкері) биыл жүлдесіз қалды.
Бесінші орын үшін ойында «Қарағанды» клубы ақтөбеліктерді 3:1 (25:17, 23:25, 25:18, 25:23) есебімен ұтып, қарымта қайырды. Енді бұл бәсекеде қосымша үшінші матч ойналады.
Еске сала кетейік, бұдан бұрын «Қуаныштың»» қола жүлде үшін өткен ойында «Тұранды» жеңгенін жазған болатынбыз.
«Жетісу» алтын үшін таласта «Берелден» айласын асырды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).