ОРАЛ. ҚазАқпарат - Оралда қала күніне орай волейболдан жасөспірімдер арасында «Достық - Дружба» ІХ халықаралық турнир мәреге жетті, деп хабарлайды «ҚазАқпарат» тілшісі.
БҚО дене шынықтыру және спорт басқармасынан түскен мәліметке қарағанда, осымен тоғызыншы рет ұйымдастырылып отырған дәстүрлі жарысқа Қазақстан мен Ресей қалаларынан келген командалар қатысып, бақ сынады.
Турнир қорытындысында 2001-2002 жылғы жасөспірімдер арасында Астана қаласы командасы жеңімпаз атанса, павлодарлықтар - екінші, оралдықтар үшінші орынға ие болды. Астаналық Андрей Лукьяненко, павлодарлық Валерий Хохлов және оралдық Владимир Щелоков «Ең үздік ойыншы» аталымына ие болды.
2004-2005 жылғы жасөспірімдер арасында Атырау, Самара және Нижневартовск қаласы командалары жүлделі орындарды бөлісті. Жекелеген ойыншылардан атыраулық Айбек Маратов, самаралық Семен Томм және нижневартовскілік Павел Олисов үздік шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).