ОРАЛ. 16 ақпан. ҚазАқпарат - Орал қаласында волейболдан жоғары лиганың «А» тобындағы әйелдер командалары арасында ел біріншілігінің үшінші туры алғасуда.
15 ақпан күнгі қорытынды кездесуде аталмыш лигада көш бастап келе жатқан Өскеменнің «ШығысҚорғасынҚұрылысы» Оралдың «Грация-Астана KZ» командасымен кездесті. Турнир кестесінде үшінші орында тұрған оралдықтар «Шығысқа» барынша қарсылық танытып бақты. Ойын аса тартысты өтіп, 3:2 есебімен «Шығыстың» пайдасына шешілді. Бұл күні сондай-ақ «Қостанай» (Қостанай) Павлодардың «Ертіс-Казхром» командасын 3:0, ал «Спартак АМТ» (Теміртау) «Қарағанды-2» (Қарағанды) клубын 3:1 есебімен жеңді.
Өскемендіктер 17 ақпан күні екінші орында келе жатқан «Қостанаймен» күш сынасады. Ал батысқазақстандықтар қостанайлықтармен үшінші турдың соңғы күні, 18 ақпанда алаңға шығады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).