ТАЛДЫҚОРҒАН. KAZINFORM — Талдықорған қаласында волейболдан ерлердің ұлттық лига командалары арасында өтіп жатқан Қазақстан чемпионатының үшінші турында «Тараз» пен «Буревестник» алаңға шықты.
Алматылықтар осыған дейін қатарынан үш кездесуінде жеңіске жеткен еді.
Ал өткен жылғы ел чемпионы «Тараз» осы маусымды сәтсіз өткізіп келеді.
Бұл жолы тараздықтар қарсыласын 3:1 (25:23, 25:20, 21:25, 2519) есебімен қапы қалдырды.
Сөйтіп, «Тараз» алғашқы үштікке енген командалармен әлі де тайталаса алатындығын танытты.
Көш басындағы Оралдың «Жайығы» ең соңғы орындағы «Ұшқын-Көкшетауды» 3:0 (25:13, 25:17, 25:14) есебімен тізе бүктіріп, ұпай санын 46-ға жеткізді.
Еске сала кетейік, бұдан бұрын «Атыраудың» Талдықорғанда «Жетісу» командасын тізе бүктіргенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).