АСТАНА. KAZINFORM — Волейболдан әйелдер клубтары арасында Мальдив аралдарының астанасы Мале қаласында өтіп жатқан Орталық Азия чемпиондар лигасында «Тұран» командасы екінші кездесуінде жеңіске жетті.
Бұл жолы түркістандықтар «WAMCO» (Мальдив) командасымен шеберлік байқасты.
Тартыстылау өрбіген бірінші партияда түркістандықтар басымдылық танытты - 25:21. Қалған екі сет тіпті оңайға түсті - 25:8, 25:8. Қорытынды есеп - 3:0.
Осылайша, Асқар Шалқыбековтің шәкірттері өз тобынан бірінші орынмен жартылай финалға жолдама алды.
Еске сала кетейік, бұдан бұрын волейболдан «Тұран» клубының Орталық Азия чемпиондар лигасын сәтті бастағанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).