НҰР-СҰЛТАН. ҚазАқпарат - Жапонияның Тиба қаласында өтіп жатқан волейболдан ерлер арасында Азия чемпионатында Қазақстан құрамасының қай орын алғаны белгілі болды, деп хабарлайды ҚазАқпарат тілшісі.
Қазақстандық волейболшылар бүгін Сауд Арабиясынан 11-орын үшін сайыста 3:0 есебімен басым түсті.
Осылайша құрлықтық додадағы жарысын аяқтады.
Еске салсақ, қазақстандық волейболшылар D тобында сынға түсті. Қарсыластары - Оңтүстік Корея, Қытайлық Тайбэй және Сауд Арабиясы.
Топтық кезеңде қазақстандық волейболшылар барлық қарсыласынан 0:3 есебімен жеңіліп қалды.
Одан кейін 9-12 орындар үшін сайыста Бахрейнге 1:3 есебімен жол берді.
Айта кетсек, құрлықтық додаға барлығы 16 құрама қатысты.
Бүгін финалда Жапония мен Иран шеберлік байқасады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.