АСТАНА. KAZINFORM — Үндістанның Ахмедабад қаласында волейболдан ерлер командалары арасында өтіп жатқан Азия кубогында Қазақстан құрамасы топтық бәсекені аяқтады.
Сергей Трикоздың шәкірттері А тобындағы соңғы кездесуін Жаңа Зеландия командасымен өткізді.
Алғашқы екі партия қазақстандықтардың пайдасына шешілді — 25:21, 25:19.
Үшінші сетті жаңазеландиялықтар алды — 25:22. Дегенмен қазақстандық ойыншылар есесін жібермеді — 25:22. Қорытынды есеп — 3:1.
Осылайша, Қазақстан құрамасы А тобында 8 ұпаймен үшінші орынға ие болды. Енді олар 5 орын үшін таласады.
А тобынан Үндістан мен Бахрейн жартылай финалға жолдама алды.
Еске сала кетейік, бұдан бұрын волейболдан Азия кубогында Қазақстан құрамасының Аустралияны камбэкпен жеңгенін жазған едік.
Волейболдан Азия кубогында Қазақстан құрамасы тағы бір команданы камбэкпен ұтты.
Қазақстан құрамасы тартысты матчта Бахрейнге жол берді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).