ОРАЛ. ҚазАқпарат - Қытайдың Шэньчжэнь қаласында волейболдан әйелдер командалары арасында Азия кубогінің қола жүлдегері анықталды.
Sports.kz сайтынан алынған мәліметке қарағанда, Қазақстан құрамасы Жапон қыздарын 3:2 (26:28, 25:23, 25:14, 19:25, 15:7) есебімен ұтып, жүлдегерлер қатарынан көрінді. Финалда Қытай мен Оңтүстік Корея командалары кездесіп, алтын жүлдені сарапқа салады. Кеше қазақстандық қыздар жартылай финалда Оңтүстік Кореядан ұтылып қалған болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).