ОРАЛ. KAZINFORM — Орал қаласындағы «Жайық арена» спорт кешенінде волейболдан ерлердің ұлттық лига командалары арасында Қазақстан чемпионатының финалына шыққан командалар анықталды.
Екінші жартылай финалда «Жайық» пен «Атырау» командалары өзара кездесті.
Кеше бірінші ойында Виктор Козик жаттықтыратын оралдықтар 3:1 есебімен жеңген болатын.
Бүгін алаң иелері бірінші партияда айқын басымдылық танытты — 25:19. Есесіне екінші сетте Ислам Жұмабековтің сәттірек ойнады — 26:24. Дегенмен бұдан кейін «Жайық» ойын тізгінін өз қолына алды — 25:23, 25:21. Қорытынды есеп — 3:1.
Осылайша, «Жайық» пен «Ақтөбе» алтын медаль үшін таласады.
«Атырау» мен «Жетісу» қола жүлде үшін сынға түседі.
Еске сала кетейік, бұдан бұрын волейболдан Қазақстан чемпионатында «Ақтөбе» клубының финалға шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).