Нелли Щербакова жаттықтыратын қазақстандық волейболшы қыздар Жапония, Тайпей, Үндістан, Мальдивы және Солтүстік Корея волейболшыларымен бірге В тобында өнер көрсеткен болатын. Барлық ойында мерейі үстем болған біздің команда енді 1-8 орындар үшін таласуға мүмкіндік алып отыр. Негізгі кезеңдегі алғашқы ойынын олар ертең А тобында 4-орын алған Моңғолия спортшыларымен өткізеді.
Жалпы 18 қарашада басталған бұл дүбірлі доданың ақтық ойындары сенбіде болады.
13:23, 23 Қараша 2010
Волейболдан Қазақстанның әйелдер құрамасы Азия ойындарында 1-8 орындарға таласады
АЛМАТЫ. 23 қараша. ҚазАқпарат /Ерлік Ержанұлы/ - Қытайдың Гуанчжоу қаласында өтіп жатқан XVI Азия ойындарында Волейболдан Қазақстанның әйелдер құрамасы алғашқы кезеңнің қорытындысы бойынша өз тобында үздік шықты.