WhatsApp мессенджерінің жаңа қызметі таныстырылды

АСТАНА. KAZINFORM — Әлемдегі ең танымал хабар алмасу қосымшаларының бірі WhatsApp қолданбасы пайдаланушыларға «Топтық хабарламалар тарихы» деп аталатын жаңа мүмкіндікті ұсынды. Meta компаниясы мұны «көп сұранысқа ие мүмкіндіктердің бірі» деп атады.

Топ әкімшілері мен мүшелері енді жаңа пайдаланушыларға соңғы чат хабарларын жібере алады,  Бұл мүмкіндік өте сұранысқа ие болды және әртүрлі платформаларда қолжетімді.

Топқа жаңа мүшені қосқанда, оған ең соңғы 100 хабарды қайта жіберуге болады. Осылайша олар тақырыптар бойынша талқылауларға жылдам қатысады. Бұл скриншот жасау немесе сөйлесулерді қайта теру қажеттілігін жояды. Жаңа пайдаланушылар таңдалған соңғы хабарларға ғана қол жеткізе алады, ал топтың басқа мүшелер нақты қай жазбалар бөлісілгенін көреді.

Meta компаниясы бұл мүмкіндік құпиялылықты сақтайтынын мәлімдеді. WhatsApp желісінің жаңа қызметіне пайдаланушылар біртіндеп қосылатын болады.

Еске салайық, бұған дейін WhatsApp чаттарды тазалауға мүмкіндік беретін жаңа функцияны жетілдірген болатын. Онда пайдаланушылар чатты толық тазаламас бұрын өшіргісі келмейтін хабарламаларды белгілей алады.