«Whatsapp», «Telegram» арқылы алауыздықты қоздырған 11 адам ұсталды
16:58, 16 Қараша 2017
АСТАНА. ҚазАқпарат - 16 қарашада ҰҚК Оңтүстік Қазақстан облысы бойынша департаменті ішкі істер органдарының қатысуымен терроризмді насихаттау және діни алауыздықты қоздыру күдігі бойынша Сайрам ауданы мен Шымкент қаласының 11 тұрғынын ұстады.
Көрсетілген адамдар «Whatsapp», «Telegram» мессенджерлерінде және Интернет әлеуметтік желілерінде «ДАИШ» және басқа да халықаралық террористік ұйымдардың экстремистік идеологиясын насихаттайтын материалдарды жүйелі түрде таратқан, деп хабарлайды ҚР ҰҚК баспасөз қызметі.
Экстремистік материалдар жалпы саны 400-ден астам қатысушысы бар 24 желілік қоғамдастыққа орналастырылған.
Тергеу және өзге де іс-шаралар жалғасуда.