Wildberries Петербургте өртеніп кеткен қойманың 16 қызметкерін іздестіріп жатыр

Wildberries онлайн ретейлері 13 қаңтар күні қоймада жұмыс істеген 16 адамды іздеуді жалғастырып жатыр. Бұл туралы компанияның баспасөз қызметі Telegram арнасында хабарлады, деп хабарлайды Kazinform ТАСС-қа сілтеме жасап.

«Қазіргі уақытта 16 адамның тұрған жерін анықтап жатырмыз», — делінген хабарламада.

Бұған дейін Wildberries баспасөз қызметі Шушарыда өртенген қойманың 49 қызметкерінің байланысқа шықпағанын, компания өкілдері олардың жақындарымен байланыста екенін хабарлаған.

13 қаңтарда Санкт-Петербургтегі Шушары ауылындағы интернет-дүкеннің қоймасында өрт шықты.

Wildberries баспасөз қызметінің мәлімдемесінде сол күні Мәскеу уақытымен 07:20–да қоймада 1,2 мың адам болғаны айтылған.

Зардап шеккендер туралы мәлімет жоқ.

Тергеу комитеті өртке қатысты РФ Қылмыстық кодексінің 201-бабы (қызмет бабын асыра пайдалану) бойынша қылмыстық іс қозғады.