АСТАНА. KAZINFORM – WORLD BOXING ұйымы бокстан 2025 жылғы барлық жас деңгейіндегі Азия чемпионаты өтетін уақытын белгіледі.
Барлық жас дәрежесінде ерлер мен әйелдер боксы бірге өткізіледі.
Біріншіліктерді қабылдайтын қалалар тізімі кейін толық белгілі болады.
Соған сәйкес 15 және 17 жасқа дейінгі жасөспірімдер арасында Азия біріншілігі 17 сәуір мен 1 мамыр аралығында Иорданияда өткізіледі.
Ал 19 және 22 жасқа дейінгі жастар 20 шілде мен 3 тамыз аралығында күш сынасса, ересектер арасындағы құрлықтық бәсеке 1-15 қазанға белгіленген.
Еске салсақ, бокстан 2025 жылғы әлем кубогының кезеңі Қазақстанда өтеді.
Қазақстан бокс федерациясының мәліметінше, күнтізбе бойынша 2025 жылғы әлем кубогының екінші кезеңі елімізде ұйымдастырылады. Турнир 30 маусым мен 7 шілде аралығында өтеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.