WTA қорытынды турнирі: Елена Рыбакина – Арина Соболенко матчы кейінге қалдырылды

Мексиканың Канкун қаласында өтіп жатқан WTA қорытынды турнирінде ауа райына байланысты Елена Рыбакина мен Арина Соболенконың матчы кейінге қалдырылды, деп хабарлайды Kazinform.

Дүниежүзілік рейтингте 4-орында тұрған қазақстандық теннисші Бакалар тобындағы соңғы, үшінші кездесуінде әлемнің 1-ракеткасы, Беларусь өкілі Арина Соболенкомен шеберлік байқасты.

Жаңбырға байланысты үзіліс болған бірінші партияда А.Соболенко айқын басымдылық көрсетті – 6:2.

Екінші сетте есеп 4:3 болған мезетте Е.Рыбакина брейк жасай алды – 5:3. Бұдан кейін матч жаңбырға байланысты екінші рет тоқтатылды.

Ақыры ойын келесі күнге, 4 қарашаға ауыстырылды.

Еске сала кетейік, бұдан бұрын Бейбіт Жұқаевтың АҚШ-тағы турнирдің ширек финалына шыққанын жазған болатынбыз.

WTA қорытынды турнирінде Елена Рыбакинаның тобында жеңімпаз анықталды.