Мексиканың Канкун қаласында өтіп жатқан WTA қорытынды турнирінде ауа райына байланысты Елена Рыбакина мен Арина Соболенконың матчы кейінге қалдырылды, деп хабарлайды Kazinform.
Дүниежүзілік рейтингте 4-орында тұрған қазақстандық теннисші Бакалар тобындағы соңғы, үшінші кездесуінде әлемнің 1-ракеткасы, Беларусь өкілі Арина Соболенкомен шеберлік байқасты.
Жаңбырға байланысты үзіліс болған бірінші партияда А.Соболенко айқын басымдылық көрсетті – 6:2.
Екінші сетте есеп 4:3 болған мезетте Е.Рыбакина брейк жасай алды – 5:3. Бұдан кейін матч жаңбырға байланысты екінші рет тоқтатылды.
Ақыры ойын келесі күнге, 4 қарашаға ауыстырылды.
Еске сала кетейік, бұдан бұрын Бейбіт Жұқаевтың АҚШ-тағы турнирдің ширек финалына шыққанын жазған болатынбыз.
WTA қорытынды турнирінде Елена Рыбакинаның тобында жеңімпаз анықталды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).