Мексиканың Канкун қаласында өтіп жатқан WTA қорытынды турнирінде Бакалар тобында жеңімпаз анықталды, деп хабарлайды Kazinform.
Әлемнің 5-ракеткасы, америкалық Джессика Пегула дүниежүзілік рейтингте 9-орында тұрған грекиялық Мария Саккариді 6:3, 6:2 есебімен ұтты.
Бұдан бұрын америкалық спортшы Елена Рыбакина мен Беларусь өкілі Арина Соболенконы жеңген еді. Сөйтіп, ол өз тобынан 1-орынмен жартылай финалға жолдама алды. Үш рет жеңіліс тапқан М.Саккари осы топта соңғы орынға түсті.
Қазақстанның бірінші, әлемнің 4-ракеткасы Е.Рыбакина дүниежүзілік рейтингтің көшбасшысы А.Соболенко екінші жартылай финалдың жолдамасы үшін кортқа шықты. Бірінші партияда А.Соболенко 5:1 есебімен ұтып жатқан мезетте матч жаңбырға байланысты тоқтатылды. Ойын кейін жалғасатын болады.
Еске сала кетейік, бұдан бұрын Бейбіт Жұқаевтың АҚШ-тағы турнирдің ширек финалына шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).