АСТАНА. KAZINFORM — Бүгін жаңартылған әйелдер теннисі қауымдастығы (WTA) рейтингісінде ойыншылардың жылдық қорытынды орындары белгілі болды.
Қазақстандық теннисші Елена Рыбакина 8 099 ұпаймен бұрынғыша көш басында қалды.
WTA қорытынды турнирінің жеңімпазы атанған ресейлік, 19 жастағы Мирра Андреева 7 806 ұпай жинап, спорттық жолында алғаш рет екінші орынға шықты.
Беларусь өкілі Арина Соболенко (6 685 ұпай) үшінші сатыға сырғыды.
Осылайша, маусым қорытындысымен ТМД құрамына кіретін елдердің спортшылары алғаш рет ТОП-3-ке кірді.
Үздік ондықтағы тағы бір өзгеріс, чехиялық Линда Носкова отандасы Каролина Мухованы ығыстырып, 7-орынға тұрақтады.
Қазақстандық Юлия Путинцева 66-дан 65-ке ауысты.
Жұптық сында Қазақстанның бірінші ракеткасы Анна Данилина 7-сатыда қалса, биылғы маусымда сәтті өнер көрсеткен Жібек Құламбаева 86-орынға көтеріліп, өзінің жеке рекордына қол жеткізді.
Еске сала кетейік, бұдан бұрын АҚШ-та теннистен WTA қорытынды турнирі мәресіне жеткенін жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).