деп хабарлайды ҚазАқпарат.
Яндекстің порталында қазақстандық пайдаланушыларға бағдарланған барлық негізгі қызметтері ұсынылған. Онда іздестіру қазақ және орыс тілдерінің морфологиясын ескереді, сондай-ақ пайдаланушылардың локалдық сұраныстарына жергілікті сайттарды көрсетумен жауап береді. Мысалы, «Конституция» деген сұраныс бойынша - Қазақстан Республикасы Ата заңының мәтінін береді. Пайдаланушылар іздестіру тілін қазақ және орыс тілдерінде қолдана алады. Сондай-ақ порталда Астана және Алматы қалаларының толық әрі дәл карталары, жергілікті пойыздар мен ұшақтардың қозғалыс кестесі пайда болады.
«Біз Қазақстандық интернет-компаниялармен және сайт иелерімен бірлесіп жұмыс істеп, олармен бірге пайдаланушыларға интернетті қызықты әрі тиімді жасағымыз келеді», деді «Яндекс» компаниясының аймақтық даму бойынша директоры Александр Ларьяновский бүгінгі өткен конференцияда.