АСТАНА. Қыркүйектің 10-ы. ҚазАқпарат - Американдық спортшы Вания Кингпен жұптасып ойнаған қазақстандық теннисші Ярослава Шведова АҚШ-та өтіп жатқан «Үлкен шлем» сериясының турнирінде финалға шықты, деп хабарлады Қазақстанның Теннис федерациясынан.
Шведова мен Кингтің жұбы жартылай финалда зимбабвелік-итальяндық жұп Кара Блак пен Флавия Пеннеттаны 6:3, 4:6, 6:4 есебімен ұтты.
Енді олар ақтық бәсекеде қытайлық жұп Чан Юнь-Янь мен Чжен Цземен не болмаса американдық-ресейлік жұп Лизель Хубер мен Надежда Петровамен ойнайды.
Естеріңізге сала кетейік, Шведова мен Кингтің жұбы Уимблдон-2010 турнирінің жеңімпазы атанған болатын.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.