АСТАНА. 9 желтоқсан. ҚазАқпарат - Йеменде ел Президентінің кеңесшісіне қастандық жасау әрекеті болды.
Осы елдегі мемлекеттік БАҚ-тың ақпараты бойынша Санада белгісіз біреулер Яссин Саид Номанның көлігіне оқ жаудырған. Бұл қастандық әрекетінен кеңесшіге зақым келмеген. Белгілі болғандай, оған қарсы осындай іс-қимылдар осының алдында да тіркелген.
Номан Йеменнің негізгі саяси тұлғаларының бірі ретінде танымал.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.