- Әйелдер командасы жеңіске жетуге ұмтылады, - бұл табыстың басты шарты. Әрине, оларға қарсылас командалар да осал емес, сондықтан да қыздардың өз елінің қолдауын сезінуі аса қажет. Сайыста чемпиондық атақпен қатар, Олимпиадаға жолдамалар да ойналады. Мен барлық спортшылар, Қазақстандық бокс федерациясы мен жаттықтырушылар атынан жұртшылықтың 19 мамырда Астанадағы «Барыс Арена» кешеніне келіп, біздің командаға жанкүйер болуларын сұраймын, - деді ол.
Чемпионат 19 мамырда «Барыс Арена» кешекнінде сағат 18-де ашылады. Ұйымдастырушылар оны жаңа технологияларды қолдана отырып, тамаша шоу түрінде өткізбек. Чемпионаттың ашылу салтанатына Халықаралық Олимпиада комитетінің және Халықаралық бокс қауымдастығының мүшелері де қатысады.