АСТАНА. ҚазАқпарат – Қазақстанның екінші, әлемнің 58-ракеткасы Юлия Путинцева Гамбург (Германия) WTA 250 турнирінде өнер көрсетеді, деп хабарлайды ҚазАқпарат тілшісі.
Жарыстың 6-ракеткасы болып тіркелген қазақстандық теннисші алғашқы айналымда іріктеу сайысы жеңімпаздарының бірі, дүниежүзілік рейтингіде 184-орында тұрған франциялық Эльза Жакемомен шеберлік байқасады.
Жүлде қоры 225 480 еуроға бағаланған дода 29 шілдеде мәресіне жетеді.
Жұптық сында Қазақстанның бірінші, әлемнің 25-ракеткасы Анна Данилина ресейлік Александра Пановамен бірге осы турнирде бірінші айналымда италиялық Нурия Бранкаччио – грекиялық Деспина Папамихаилмен кездеседі.
Еске сала кетейік, бұдан бұрын Александр Недовесовтің алғаш рет ATP 250 турнирінің чемпионы атанғанын жазған болатынбыз.
Сондай-ақ Александр Недовесов теннистен әлемнің 45-ракеткасы атанды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).