АСТАНА. ҚазАқпарат - Қазақстандық Юлия Путинцева Бастад (Швеция) турнирінің ширек финалына шықты, деп хабарлайды ҚазАқпарат тілшісі.
Әлемнің 56-ыншы, осы жарыстың 2-ракеткасы Ю.Путинцева екінші айналымда дүниежүзілік рейтингте 125-орында тұрған америкалық Кэти Волынецпен кездесті.
Бірінші партияда қазақстандық теннисші бірде-бір гейм бермеді - 6:0.
Екінші сетте есеп 1:0 болған мезетте қарсыласы бәсекені жалғастырудан бас тартты.
Жарты ғасырдан астам уақытқа созылған матчта Ю.Путинцева 3 брейкпен көзге түсті.
Юлия Путинцева жартылай финалға шығу үшін әлемнің 118-ракеткасы, испаниялық Алена Большова немесе рейтингте 858-сатыдағы словениялық Полона Херцохтың біреуімен таласады.
Еске сала кетейік, бұдан бұрын Елена Рыбакинаның Уимблдонда ширек финалда жеңіліп қалғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).