Юлия Путинцева WTA рейтингінде ТОП-40 енді

НҰР-СҰЛТАН. ҚазАқпарат - Әйелдер теннис қауымдастығы (WTA) жеке және жұптық разрядта спортшылар рейтингін жаңартты, деп жазады Sports.kz.

Әлемнің бірінші ракеткасы атағын жапондық Наоми Осака сақтап қалды. Екінші орынға румыниялық Симона Халеп көтерілсе, үштікті чехиялық теннисші Петр Квитов тұйықтап тұр.

Қазақстан өкілі Юлия Путинцева алты орынға көтеріліп, 38-ші орынға жайғасты. Зарина Дияс 15 позицияны жоғалтып, ТОП-100 рейтингінен шығып қалды - 107. Қазақстандықтар арасында алғашқы жүздікке жақындағандардың ішінде Елена Рыбакина өз орнын 20 позицияға жақсартып, 143-ші болды.

Жұптық разрядта Галина Воскобоева 63-орыннан 62-ге көтерілді.