АСТАНА. ҚазАқпарат – Қазақстанның екінші, әлемнің 88-ракеткасы Юлия Путинцева Осака (Жапония) WTA 250 турнирін жеңіспен бастады, деп хабарлайды ҚазАқпарат тілшісі.
Жарыстың 6-ракеткасы болып тіркелген қазақстандық теннисші бастапқы кездесуін әлемдік рейтингте 83-орында тұрған ресейлік Диана Шнайдермен өткізді.
Сағат жарымнан астам уақытқа созылған матчта Ю.Путинцева 6:2, 6:3 есебімен жеңіске жетті. Ол 1 эйспен бірге 10 брейк-пойнттың тең жартысын пайдаланды. Қарсыласы 2 эйс, 1 брейкпен (7 брейк-пойнт) шектелді.
Юлия ширек финалға шығу үшін тағы бір ресейлік, рейтингте 171-сатыдағы Валерия Савиныхпен таласады. Ол әлемнің 94-ракеткасы, германиялық Анна-Лена Фридзамды жолдан тайдырды – 6:4, 1:6, 6:3.
Жүлде қоры 259 мың АҚШ долларынан асатын Осака жарысы 17 қыркүйекте мәресіне жетеді.
Еске сала кетейік, бұдан бұрын «Үлкен дулыға» турнирінде Новак Джоковичтің 24-ші мәрте чемпион атанғанын жазған болатынбыз.
Сондай-ақ АҚШ ашық чемпионатында қазақстандық теннисшілердің қанша табыс тапқаны белгілі болды.
Қазақстандық жас теннисшілер Алматыда өткен турнирде үздік шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).