Қазақстанның екінші, әлемнің 81-ракеткасы Юлия Путинцева Гуанжчоу (Қытай) WTA 250 турнирінің финалына шыға алмады, деп хабарлайды ҚазАқпарат тілшісі.
Қазақстандық теннисші жартылай финалда әлемнің 27-інші, жарыстың 1-ракеткасы, Польша өкілі Магда Линетпен бетпе-бет келді.
М.Линетт 6:2, 6:3 есебімен Ю.Путинцеваның жолын кесті. Магда 1 сағат 16 минутқа созылған бәсеке барысында 3 эйс жасап, 6 брейк-пойнттың тең жартысын өз есебіне жазды. Қазақстандық теннисші 3 брейк-пойнтты мүлт жіберді.
М.Линетт финалда дүниежүзілік рейтингте 88-орында тұрған қытайлық Сиюй Ван немесе әлемнің 68-ракеткасы Гретье Минненнің бірімен (жеңгенімен) кездеседі.
Юлия Путинцева аталған додада жартылай финалға дейін жетуінің нәтижесінде қазір WTA Live рейтингісінде 72-орынға көтерілді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).