Юлия Путинцева Страсбургте қарсыласын ойсырата жеңді

АСТАНА. KAZINFORM – Қазақстанның екінші, әлемнің 41-ракеткасы Юлия Путинцева Страсбург (Франция) WTA 500 турнирінің іріктеу сайысын жеңіспен бастады. 

Іріктеу сынының 2-ракеткасы болып тіркелген қазақстандық теннисші алғашқы қарсыласы, дүниежүзілік рейтингіде 269-орында тұрған үндістандық Анкита Райнаны айқын басымдылықпен жеңді. 

Небәрі бір сағатқа созылған кездесуде 6:1, 6:0 есебі тіркелді. Юлия 8 брейк-пойнттың алтауын пайдаланды. 

Путинцева іріктеу сайыстарының финалында әлемнің 66-ракеткасы, америкалық Эшлин Крюгер немесе рейтингіде 257-сатыда тұрған ресейлік Вера Звонареваның қай жеңгенімен кездеседі. Финалда жеңсе, негізгі турнирге өтеді.

Еске сала кетейік, бұдан бұрын Денис Евсеевтің Португалиядағы жарыстың финалынан тыс қалғанын жазған болатынбыз.