АСТАНА. KAZINFORM – Қазақстандық теннисші Юлия Путинцева жұптық сында Цинциннати (АҚШ) WTA 1000 турнирінің финалында жеңіліп қалды.
Қазақстандық теннисші канадалық Лейла Фернандеспен бірге шешуші бәсекеде жарыстың 3-ракеткалары, америкалық Айша Мухаммад – жаңазеландиялық Эрин Рутлифпен бас жүлдені сарапқа салды.
Қазақстандық-канадалық жұп матчты сәтті бастады – 6:3. Екінші сетте америкалық-жаңазеландиялық дуэт есе қайырды – 6:1. Содан кейін олар супер тай-брейкте басым түсті – 10:4.
Сағат жарымға созылған кездесу барысында Путинцева – Фернандес 10 брейк-пойнттың біреуін ғана пайдаланды. Мухаммад – Рутлифф 2 эйс, 2 брейкпен (12 брейк-пойнт) көзге түсті.
Осылайша, Юлия Путинцева спорттық жолында алғаш рет WTA 1 000 додасының финалына дейін жетті.
Еске сала кетейік, бұдан бұрын Анна Данилинаның Монтеррейде негізгі турнирге жолдама алғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).