Париждегі ЮНЕСКО Бас конференциясының 42-ші сессиясында келесі жиынды 2025 жылы Самарқандта өткізу шешімі қабылданды, деп хабарлайды Kazinform агенттігінің меншікті тілшісі.
Өзбекстан президентінің баспасөз қызметінен мәлім еткендей, 40 жылдан астам уақыт ішінде алғаш рет ЮНЕСКО Бас конференциясының сессиясы Парижден тыс жерде өтпек.
«Бұл - дипломатиялық жетістік», - деп мәлім етті 42-ші сессияның төрағасы Симон-Мирела Микулеску шешім қабылдау барысында.
Сессия соңғы рет 1985 жылы Парижден тыс жерде (София, Болгария) өткен еді.
Әлихан Асқар
2018 жылы А. Байтұрсынов атындағы Қостанай мемлекеттік университетін журналистика мамандығы бойынша тәмамдаған. Әр жылдары облыстық Qostanai, республикалық Astana TV, «Жетінші арна» телеарналарындағы бағдарлама және жаңалықтар бөлімінде қызмет етті. «ҚР Президенті телерадиокешенінде» 2022 жылдың мамырынан бастап еңбек етеді. 2023 жылдан бері Kazinform агенттігінің Өзбекстандағы меншікті тілшісі.