ЮНЕСКО Жамбыл облысындағы тарихи-мәдени мұраларға мониторинг жүргізді

АСТАНА. ҚазАқпарат - Жоспарға сәйкес, 2016 жылғы 31 қазан - 9 қараша аралығында Жібек жолы номинациясына кіретін Қазақстан аумағындағы 8 нысанның жай-күйі бойынша мониторинг жүргізу мақсатында Қазақстанға Дүниежүзілік мұра орталығының Азия және Тынық мұхиты бойынша бөлімшесінен Фенг Жинг және ИКОМОС сарапшысы Наталья Душкина арнайы іссапармен Жамбыл облысына келді, деп хабарлайды ҚазАқпарат.

«Сапар барысында  2013 жылы  «Ұлы Жібек жолы» аталымы бойынша Жамбыл облысының 5 тарихи-мәдени  мұрасы ЮНЕСКО-ның Бүкіләлемдік мұралар тізіміне, Ақтөбе (Баласағұн), Құлан Ақыртас, Қостөбе, Өрнек қалашықтары енген болатын. Мониторинг негізінде тізімге алынған ескерткіштерде  осы уақыт аралығында атқарылған түрлі зерттеулер, қазба, жаңғырту  жұмыстарын  көріп  әрі қарай зерттеу жұмыстарын жалғастыру еді», дейді ҚР  МСМ  «Ежелгі  Тараз  ескерткіштері» ТМҚМ  бөлім  басшысы Алмас  Мұхтаров.

 

Халықаралық  сарапшылар  жұмысы Жамбыл облысында бүгінде жалғасуда. Сапар соңында, ертең екі күнгі жұмыс барысында жүргізілген мониторинг бойынша жергілікті атқарушы орган жетекшілерімен ғалымдармен кездесу өткізіледі. Арнайы өкілдер арасында ҚР Мәдениет және спорт министрлігінің мамандары, жаңғыртушылар, археологтар және «Ежелгі Тараз ескерткіштері» қорық-музей жетекшілері  бар.