ОРАЛ. ҚазАқпарат - Бүгін Уимблдон турнирі қазақстандықтар үшін сәтті болды.
Әлемдік рейтингте 72-орында тұрған жиырма жасар қазақ қызы Зарина Дияс 15-сатыдағы испандық теннисші Карла Суарес-Наварроны үш партияда (7:6, 5:7, 6:2) жеңіп, үшінші айналымға шықты. Бұл, сөз жоқ, Зарина үшін үлкен табыс. Енді ол жарақатынан кейін қайта оралған ресейлік Вера Звонарева немесе хорватиялық 1996 жылғы Донна Векичтің біреуімен кездеседі.
Осының алдында тағы бір қазақстандық Ярослава Шведова (65-орын) әлемдік рейтингте 42-орындағы эстон қызы Кайя Канепиді үш партияда тізе бүктірген болатын. Ярослава үшінші айналымда чехиялық Клара Кукалова немесе американдық Мэдисон Кистің қай жеңгенімен кортқа шығады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).