АСТАНА. ҚазАқпарат - Қазақстанның бірінші ракеткасы АҚШ-тың Индиан-Уэллс қаласында өтіп жатқан ірі халықаралық турнирдің үшінші айналымына шықты.
Чемпионат.ком сайтынан алынған мәліметке қарағанда, Зарина хорватиялық Донна Векичті 6:3, 6:3 есебімен ұтты. Биыл осымен З.Дияс Д.Векичті екінші рет жеңіп отыр.
Қазақстандық теннисші үшінші айналымда әлемнің бірінші ракеткасы, атақты американдық Серена Уильямспен шеберлік байқасады. Ол бүгін румыниялық Моника Никулескуді 7:5, 7:5 есебімен ұтты.
Айта кетейік, жүлде қоры 5,4 млн. АҚШ долларына жуықтайтын осы турнирдің үшінші айналымына шығу үшін тағы бір қазақстандық теннисші Юлия Путинцева бүгін сербиялық, әлемнің алтыншы ракеткасы Ана Ивановичпен кездеседі.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).