ОРАЛ. ҚазАқпарат - Уимблдон турнирінің төртінші айналымына шыққан қазақ теннисшісі Зарина Дияс әлемнің үшінші ракеткасы румыниялық Симона Халептен айласын асыра алмады.
Екі партияда С.Халеп 6:3, 6:0 есебімен жеңіске жетті. Зарина Австралияның ашық чемпионатында да осы теннисшіден ұтылған болатын. Чемпионат.ком сайтынан алынған мәліметке қарағанда, қазақстандық Ярослава Шведова мен неміс қызы Сабина Лисицкидің бәсекесінде неміс қызы 6:3, 3:6, 6:4 жеңіске жетті.
Енді ширек финалда Лисицки Симона Халеппен сайысқа түседі.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).