АСТАНА. KAZINFORM – Жасөспірімдер арасында жаңартылған ITF рейтингісінде 17 жастағы Заңғар Нұрланұлы 8-орынға көтерілді.
Қазақстан теннисінің жас жұлдызы бұған дейін 9-сатыда тұрған еді. Осылайша Заңғар өзінің рекордтық көрсеткішін жаңартты.
Ересектер арасында ATP рейтингісінде 1 634-орында тұрған Заңғар Нұрланұлы Шымкент қаласында қос бірдей челленджер жарысында бақ сынап көрді.
Қазақстандық теннисші енді жасөспірімдер арасында Ролан Гаррос турниріне тыңғылықты дайындалады.
Еске сала кетейік, бұдан бұрын Ролан Гаррос турниріне Қазақстаннан кімдер қатысатынын жазған болатынбыз.
Сондай-ақ қазақстандық теннисші Анна Данилинаның Франциядағы турнирдің ширек финалына шыққанын хабарлағанбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).