Ведомствоның мәліметінше, Қызылорда қаласының тұрғыны 33 жастағы Марат Даулетов осы жылдың наурыз-сәуір айларында екі пәтерді жалға алып, заңсыз ойын орнын ашқан.
«Заттай дәлелдеме ретінде танылып, ойын орнынан 20 компьютер, 4 ZOOM ойын аппараты, 1 модем, ақша мемлекет пайдасына өндірілді. Сарапшы қорытындысымен және куәгерлердің жауабымен М.Даулетовтың кінәсі толығымен дәлелденіп, оған сот шешімімен 200 айлық есептік көрсеткіш мөлшерінде айыппұл салынды», - деп жазды департаменттен.
ҚМА азаматтарды патологиялық құмар ойындарға тәуелділіктен қорғау мақсатында заңсыз ойын бизнесін ұйымдастыру орындарын анықтау және оларға тосқауыл қою жұмыстарын жалғастырады.