АСТАНА. Қарашаның 4-і. ҚазАқпарат - Елорданың Есіл ауданындағы Заречный ауылында жеке тұрғын үйдің ауласындағы 2 қабатты шаруашылық нысанында өрт болды. 50 шаршы метр аумақты қамтыған тілсіз жауды сөндіру барысында 2 адамның мәйіті табылды,
деп хабарлайды ҚазАқпарат ТЖМ-ның баспасөз қызметіне сілтеме жасап.
Министрліктің хабарлауынша, екі азаматтың да кім екендігі анықталмаған. Тілсіз жау ТЖМ-ның Астана қалалық төтенше жағдайлар департаменті өрт сөндіру қызметінің күшімен ауыздықталған. Оған жеке құрамның 14 маманы мен 2 техникасы тартылды.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.