АСТАНА. KAZINFORM – Қазақстандық теннисші Зарина Дияс Жапонияда өтетін W50 KASHIWA KASHIWA OPEN турниріне қатысады.
Аталмыш турнир 1-7 сәуір аралығында өтеді.
Бұл Заринаның жарақатына байланысты екі жылға созылған үзілістен кейінгі алғашқы додасы болмақ. Қазақстандық спортшы содан кейін 12-13 сәуірде осы елде өтетін Билли Джин Кинг кубогының Жапониямен іріктеу кезеңінде Қазақстан намысын қорғайды.
Кезінде әлемдік рейтингіде 31-орынға дейін көтерілген Зарина Диястың теннистегі ең үлкен табысы Жапония жерімен байланысты екенін айта кеткен жөн. Ол 2017 жылы Токио WTA турнирінің жеңімпазы атанған еді.
Еске салайық, бұдан бұрын Зарина Диястың Алматыда жас теннисшілермен шеберлік сағатын өткізгенін жазған болатынбыз. Сондай-ақ Александр Недовесов Испаниядағы турнирдің ширек финалына жолдама алды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).