Зарина Дияс Испаниядағы жарысты жеңіспен бастады

АСТАНА. KAZINFORM — Қазақстандық, әлемнің 275-ракеткасы Зарина Дияс Таусте (Испания) ITF W35 турнирінің екінші айналымына шықты.

Жарыстың 2-ракеткасы болып тіркелген қазақстандық спортшы алғашқы айналымда дүниежүзілік рейтингіде 934-орында тұрған испаниялық, 21 жастағы Ракель Гонсалеспен кездесті.

Бірінші партияда Зарина 6:4 есебімен басым түсті.

Екіншісінде жергілікті теннисші есе қайырды — 6:3.

Үшінші, шешуші сетте З.Дияс жеңісті жұлып алды — 7:5.

Тартысты матч 2 сағат 18 минутқа созылды. 

Зарина Диястың келесі қарсыласы кейін анықталады.

Еске сала кетейік, бұдан бұрын Тимофей Скатовтың Польшадағы жарыстың екінші айналымына өткенін жазған болатынбыз.