АСТАНА. KAZINFORM – Қазақстандық теннисші, әлемнің 275-ракеткасы Зарина Дияс Таусте (Испания) ITF W35 турнирінің жартылай финалына өтті.
Зарина Дияс ширек финалда әлемнің 337-ракеткасы, 21 жастағы ресейлік Полина Яценконың меселін қайырды.
Бірінші партия 6:3 есебімен Заринаның пайдасына шешілді.
Екінші сетте қазақстандық теннисші 2:0 есебімен алда тұрған кезде Яценко матчты жалғастырудан бас тартты.
Бәсеке 1 сағаттан астам уақытқа созылды.
Жарыстың 2-ракеткасы болып тіркелген Зарина Дияс финалға шығу үшін рейтингіде 357-орындағы жапониялық Хироми Абэмен таласады.
Еске сала кетейік, бұдан бұрын Анна Данилинаның Ноттингем турнирінің ширек финалына жолдама алғанын жазған болатынбыз.
Сондай-ақ Берлин турнирінде Елена Рыбакина ширек финалда әлемнің 1-ракеткасымен кездеседі.
Галле жарысында Александр Бублик әлемнің 1-ракеткасын жеңіп кетті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).