01:04, 08 Маусым 2015

Зарина Дияс Ноттингем турнирінде бақ сынайды

АСТАНА. ҚазАқпарат - Қазақстанның бірінші ракеткасы Зарина Дияс 8-14 маусым аралығында Ұлыбританияның Ноттингем турнирінде өтетін халықаралық турнирде бақ сынайды.

Чемпионат.ком сайтынан алынған мәліметке қарағанда, осы жарыстың екінші ракеткасы болып тіркелген Зарина алғашқы айналымда итальяндық тәжірибелі теннисші, 2010 жылы «Ролан Гаррос» турнирін ұтқан Франческа Скьявонемен шеберлік байқасады. Уимблдон турниріне дайындық болып есептелетін аталмыш жарыстың жүлде қоры - 250 мың АҚШ доллары. Ноттингем турнирінің бірінші ракеткасы - поляк қызы Агнешка Радьванска. Еске сала кетейік, кеше мәреге жеткен «Ролан Гаррос» турнирінің екінші айналымында З.Дияс бельгиялық Алисон ван Уйтванктен жеңіліп қалған болатын. Одан кейін де сәтті өнер көрсеткен бельгиялық теннисші ширек финалға дейін жетті.

Спорт
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).