НҰР-СҰЛТАН. ҚазАқпарат – Қазақстандық теннисші Зарина Дияс Жапониядағы Осака WTA турнирінің іріктеу сайысын сәтті бастады, деп хабарлайды ҚазАқпарат тілшісі.
Әлемнің 80-ракеткасы З.Дияс дүниежүзілік рейтингте 304-орында тұрған жапониялық Михару Иманисимен кездесті.
Қазақстандық теннисші көп қиналмай, 6:1, 6:4 есебімен жеңіске жетті.
Бәсеке 1 сағат 7 минутқа созылды.
З.Дияс іріктеу сайыстарының финалында тағы бір жапониялық, рейтингте 327-сатыдағы Киока Окамурамен шеберлік байқасады. Оны жеңсе, негізгі турнирге жолдама алады.
Еске сала кетейік, бұдан бұрын Юлия Путинцеваның әлемнің 3-ракеткасы Элина Свитолинадан ұтылып қалғанын, ал Елена Рыбакинаның Наньчан турнирінің жартылай финалына шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).