АСТАНА. KAZINFORM — Қазақстандық, әлемнің 280-ракеткасы Зарина Дияс Гимарайнш (Португалия) ITF W50 турнирінің екінші айналымына жолдама алды.
Жарыстың 5-ракеткасы болып тіркелген қазақстандық теннисші алғашқы айналымда рейтингіде 615-сатыдағы жапониялық Акико Омаэмен шеберлік байқасты.
Бір сағат 35 минутқа созылған матчта Зарина 7:5, 6:2 есебімен жеңіске жетті.
Қазақстандық спортшының келесі қарсыласы кейін анықталады.
Қазіргі кезде Зарина Дияс WTA Live рейтингісінде 277-орынға көтеріліп тұр.
Өткен айда Жапониядағы дәл осындай додада жеңімпаз атанған Зарина осымен қатарынан алтыншы кездесуінде жеңіске жетіп отыр.
Еске сала кетейік, бұдан бұрын Елена Рыбакинаның Лондон турниріндегі қарсыласы анықталғанын жазған болатынбыз.
Сондай-ақ Александр Шевченко Братислава жарысының екінші айналымына өтті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).