АСТАНА. KAZINFORM — Қазақстандық теннисші, әлемнің 269-ракеткасы Зарина Дияс Фигера-да-Фош (Португалия) ITF W100 турнирінің ширек финалына шықты.
Қазақстандық спортшы екінші айналымда әлемнің 228-інші, жарыстың 6-ракеткасы, франциялық Тесса Адрианяфитримомен шеберлік байқасты.
Зарина 6:3, 6:4 есебімен жеңіске жетті.
Тартысты матч 1 сағат 50 минутқа созылды.
Зарина Дияс жартылай финалға шығу үшін әлемнің 206-ракеткасы, бразилиялық Лаура Пигосси немесе рейтингіде 239-сатыдағы португалиялық Франсишка Жорженің таласады.
Қазақстандық теннисші қазіргі кезде WTA Live рейтингісінде 261-орынға көтеріліп тұр.
Еске сала кетейік, бұдан бұрын Елена Рыбакинаның Вашингтон турнирінің ширек финалына өткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).