АСТАНА. KAZINFORM – Қазақстандық теннисші, әлемнің 246-ракеткасы Зарина Дияс Сейшал (Португалия) ITF W50 турнирін жеңіспен бастады.
Қазақстандық теннисші алғашқы айналымда дүниежүзілік рейтингіде 360-орында тұрған үндістандық Анкита Райнамен жолықты. Бұл қос теннисшінің өзара алғашқы кездесуі еді.
Зарина бірінші партияда бет қаратпады – 6:1. Екінші сетте де сол қарқынынан жаңылған жоқ – 6:3.
Қазақстандық теннисшінің айқын басымдылығымен өткен матч 1 сағат 8 минутқа созылды.
Зарина Диястың келесі қарсыласы кейін анықталады.
Еске сала кетейік, бұдан бұрын Жібек Құламбаеваның Нидерландтағы турнирде алғашқы қарсыласын тізе бүктіргенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).