АСТАНА. KAZINFORM – Қазақстандық теннисші, әлемнің 334-ракеткасы Зарина Дияс Тыргу-Муреш (Румыния) ITF W75 турнирінің екінші айналымына өтті.
Қазақстандық спортшы бастапқы кездесуін дүниежүзілік рейтингіде 645-орында тұрған чехиялық Анета Лабутковамен өткізді.
Бірінші партияда Зарина 6:2 есебімен басым түсті. Сол қарқынынан екінші сетте де жаңылған жоқ – 6:4.
Матч 1 сағат 21 минутқа созылды.
Зарина Дияс ширек финалға шығу үшін рейтингіде 331-сатыдағы италиялық Камилла Розателломен таласады. Ол әлемнің 128-інші, осы жарыстың 1-ракеткасы, украиналық Дарья Снигурды жеңіп кетті – 7:6 (7:3), 6:4.
Еске сала кетейік, бұдан бұрын Михаил Кукушкиннің АҚШ-тағы жарыста камбэк жасап, жеңіске жеткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).