АСТАНА. KAZINFORM — Қазақстандық, әлемнің 318-ракеткасы Зарина Дияс Фукуока (Жапония) ITF W35 турнирінің жартылай финалына жолдама алды.
Зарина ширек финалда әлемнің 215-інші, осы жарыстың 1-ракеткасы, Аустралия өкілі Лизетт Кабрерамен жолығысты.
Бірінші партияда Зарина 6:2 есебімен басым түсті.
Екіншісінде Кабрера есе қайырды — 6:3.
Шешуші, үшінші партияда Зарина жеңісті жұлып алды.
Тартысты өткен матч 1 сағат 53 минутқа созылды.
Зарина Диястың жартылай финалдағы қарсыласы кейін анықталады.
Еске сала кетейік, бұдан бұрын Зарина Диястың Жапониядағы турнирдің ширек финалына шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).